Como parte da súa viaxe a Galicia, o embaixador do Xapón en España, D. Fumiaki Takahashi, visitou o venres 2 de outubro a Escola Oficial de Idiomas de Vigo e foi recibido pola directora, Dna. Cristina González Fernández.

Con motivo deste acontecemento,  percorréronse as instalacións da Escola, e a continuación, visitou aos alumnos na súa aula. Finalmente, fíxoselle entrega dun agasallo por parte dos alumnos e outro por parte da dirección.

Na imaxe pódese ver ao embaixador xunto con autoridades, profesores e alumnos de xaponés da escola.