matrícula 2009

Alumnado de ensinanza libre

Datas de matrícula: do 1 ao 24 de abril.
Para acceder ás ensinanzas de idiomas será requisito ter 16 anos cumpridos no ano en que se comecen os estudos. Poderán acceder, así mesmo, as persoas maiores de 14 anos para seguir as ensinanzas dun idioma distinto do cursado na educación secundaria obrigatoria como primeira lingua estranxeira.
No curso 2008-2009 poderanse realizar os seguintes exames libres de certificación: Nivel Básico, Nivel Intermedio e Nivel Avanzado. Estas probas finais de verificación serán comúns para todas as modalidades e réximes de ensinanza en cada EOI e permitirán o acceso directo ás ensinanzas do nivel inmediatamente superior. Non será preciso ter feito e aprobado o exame de certificación dun nivel inferior para poder presentarse a un superior.
A avaliación estará suxeita ás directrices da orde do 8 de setembro de 2008, publicada no DOG do 26 de setembro de 2008.
As probas constarán de catro partes: a) comprensión oral, b) expresión e interacción oral, c) compresión de lectura e d) expresión e interacción escrita. O alumnado examinarase de todas as partes da proba e ningunha delas será considerada eliminatoria para a realización do resto delas.
O alumnado de ensinanza libre terá dereito ás convocatorias de xuño e setembro. Na convocatoria extraordinaria de setembro, o alumnado deberá presentarse unicamente a aquelas destrezas non superadas na convocatoria ordinaria.
De obter a cualificación Non Apto na convocatoria de setembro, non se conservarán para posteriores convocatorias as cualificacións das destrezas superadas.
Calendario de probas: Ver o apartado correspondente na sección Probas de certificación